DIYAARAD DUULIMAAD OO ISRAIL LAGA LEEYAHAY OO U XAYIRAN OGOLAANSHAHA MARIDDA HAWADA SOOMAALIYA.

Diyaaradda duulimaadka Arkia ee laga leeyahay Israil ayaa sheegtay in ay u xayirantahay fasax maritaanka hawada Soomaaliya, hakadka ku yimid ogolaanshaha maridda hwada Soomaaliya ayaa imaanayi kadib markii Israa’iil aqoonsatay Somaliland, taasoo aad uga careysiisay dhinaca Soomaaliya.

Arkia waxay sheegtay in qayb ka mid ah nidaamka caadiga ah ee duulista caalamiga ah, shirkaduhu ay xilliyada qaarkood gudbiyaan codsiyada oggolaanshaha duullimaadyada ee marinno kala duwan.

Soomaaliya ayaan siinin shirkadda diyaaradaha ee Israa’iil ee Arkia oggolaansho ay ku marto hawadeeda, tallaabadaas oo ku khasbi karta shirkadda inay beddesho marinka duullimaadkeeda haddii aan oggolaanshaha la helin horraanta bisha Febraayo, sida ay shirkaddu sheegtay.

Dib-u-dhacaan ayaa imaanaya xilli ay jirto xiisad diblomaasiyadeed oo ka dhalatay go’aankii dhowaan ay Israa’iil ku aqoonsatay Somaliland inay tahay dawlad madax-bannaan, tallaabadaas oo ay Soomaaliya si adag uga soo horjeesatay. Soomaaliya waxay diiddan tahay sheegashada madax-bannaanida Somaliland, waxayna u aragtaa inay tahay qayb ka mid ah dhulkeeda. Arkia, dhanka kale, waxay oggolaanshaha marinka hawada codsataa bil kasta.

Bayaan ay soo saartay, Arkia waxay ku sheegtay in arrintan loo gudbiyay mas’uuliyiinta ay khusayso, oo ay ku jiraan Hay’adda Duulista Rayidka ee Israa’iil iyo Wasaaradda Arrimaha Dibadda, ayna shirkaddu u shaqaynayso isku-dubbarid buuxa oo ay la leedahay iyaga.

“Haddii aan la helin oggolaansho illaa horraanta Febraayo, shirkaddu waxay ku shaqayn doontaa marin kale, iyadoo aysan jiri doonin wax isbeddel ah oo ku imaanaya jadwalka duullimaadka, saamayna aysan ku yeelan doonin rakaabka,” ayay tiri Arkia.

Xaaladda Diblomaasiyadeed

Bishii hore, Benjamin Netanyahu ayaa ku dhawaaqay in Israa’iil ay si rasmi ah u aqoonsatay Somaliland inay tahay dawlad madax-bannaan. Somaliland, oo u shaqaynaysay si gooni isutaag ah muddo ka badan soddon sano, ayaa xiriirka Israa’iil u aragto fursad ay sugayeen muddo aad u dheer iyadoo lagu salaynayo wax ay mas’uuliyiinta Israa’iil ku tilmaameen heshiis “waafaqsan ruuxda Heshiisyadii Ibraahim (Abraham Accords).”